XX. mendeko Euskararen Corpus estatistikoa

Testuingurua

- Bai, baina, probatuko nuke nahiz eta hotz egin eta berandu izan. Lagunduko al zenidake?.

Esaldi hau bukatzerako, urrutitik beren aldera zetorren eletalderen * eletalde: manada baten marru hotsak entzun zituzten.

Goizelaia * Goizelai: meseta dardarka hasi zela zirudien.

Animalia multzo bat zetorren beren aldera abiada izugarrian.

Glenarvan, Mac Nabbs, T. Austin eta beste marinelak lurrean etzan ziren, baina Paganel jauna, honek gauez ere ikusi egiten bait zuen, lurrera eratsi zuten arte aurrera joan zen.

Orduan komandanteak tiro bat bota zuen pilora.

- Hemen ditut, hemen ditut - oihuka ari zen Paganel.

- Bai? Zer da?- galdegin zion Glenarvan-ek.

- Nire betaurrekoak, nire betaurrekoak! Zalaparta honetan galduak nituen.

- Zauritua al zaude? - Ez, zapaldua bakarrik.

- Hau da erruduna - esanez eraman zuen Mac Nabbs-ek ihiza arrastaka.

Ganbeluaren antzeko animalia zen; txikiagoa eta bizkar konkorrik* konkor: joroba gabe, gorputz zapala, ile gorrizka eta hanka luzeak, izpil * izpil: mancha zuri batzu azpian.

- Bai guanako ederra!- esan zuen Paganel-ek.

- Guanakoa al da?- galdegin zuen Glenarvanek -.

- Eta jateko modukoa?.